يوم الحساب الناس عندالموله .. للشاعر عبدالمولي الزبداني
يوم لحساب الناس عند الموله.. لاهناك ملجأ لاتقا يمشوله
النجـــــــــــــــــــــــــــا والرحمه..عند الكريم كاسى العظم ابْلحَمه
يفرج علينا الكرب وآن الزحمه..فـــــــــــى يوم فيه اعقولنا مذهوله
نهار الحشايد جايه ملتحمــــــــه..نهارخوف من باس العذاب وهوله
وفيهم اللى اسود سواد الفحمه..باعــماله الشينه زايده ف اميوله
وفيهم اللى نوره طلع مقتحمه ..من قبر الوطا يوصل سهيل يطوله
تسابقوا عالخير داروا زحمــــه..ربّاية يتيم افــــــــــــــعالهم مقبوله
يوم لحساب الناس عند المولى.. لاهنــــــــــاك ملجأ لاتقا يمشوله
النجا باعمـــــــــــــــــــــــــــــــــــــاله..باذن م العالى الكريم عطاله
رحيم وغفور اذنوبنا شيــــــــــــاله..على اكتوفنا واللى تقيل حموله
ابن أدم فعل الخير يانيّـــــــــــــــــــاله .. يلقا اللى داره هذِى مقيوله
مع خروج روحه يشوف المقام قباله..مع ناس خيره والاّ مع المذلوله
تزحم عليه الناس والغسّالــــــــه..يجيبو الكفن بــــالميترو قصّوله
قطعة اقماش وتنشرا من مــــــــــاله..بيضه معاها الطّيب بيحطّوله
وم الوطا ياخد نصيب امثاله..شبرين عرضه والطّول كى قاســـوله
على اكتوفهم جابو اللّى شيـــــــــــــاله .. صلوا عليه وكلهم يدعوله
وجابوه لى قبره خفيف احماله..ف تـــــــدريجته بانظارهم شبحوله
[b]هالوا عليه اتراب صعـــــــــــب اكياله..واليوم وين الراحله ومرحوله
يجوه فى قبره اتنين ســـــــــــــواله..يسالوه عن دينه وهم يطروله
اسمه وشبابه والعمرفيش قضاله .. وعالراحله فى دينته بيقوله
وكنهو قليل ايمان صــــــاعب حاله..اتصيبه الرجفه وغايبات حلوله
يثقل السانه خايبات امـــــــــــــــاله..مفزوع واهق كلمته مغلوله
وفى وقتها ما ينفعوه اعيــــــــــــــاله..ولاينفعا والى يجى ويطوله
وكنهو قوى ايمان زين افعــــــــــاله..تخلى الجواب يجاوبه بسهوله
وقال الرسول انّه صعيب سؤاله..خافو الصحابه وين ما سمعوله
وخبرنا الميت يرتعب فا قواله..وحتى الصــــــالح يرتجف م الهوله
وعُمَرْ قاللهم بكل بســــــــــــــــاله..يرد السؤال بصيغته وارجوله
الملكين جـــــــــاراهم وملك دواله.. سالوه ساولهم وكيف حكوله
منوانتا وشن دينك يرد حكاله..من انتم والخطاب حاكــــــــم دوله
سبحان مولانا السان هـــــــــداله..بين البشر حاور منين طروله
ايامه قضاهن دار حكم عداله..حكم وعدل ونام فى القيلولـــــــه
السائل استغرب فيه وين مشاله..القاه راقد تحت الشجر بطوله
قاللهم امير ووينهن امـــــــواله.. فبيت المسلمين يحطهن قالوله
وف شروقها م الغرب فى زلزاله..تبدا الساعه فى البدايه لوله
وكل حد عنده احساب وبيشقاله..حاير وتايه شن نتج محصوله
والناس تنفرمن بعضها فى حاله..والمرضعه عمّا ارضعت مذهوله
وكل حد ما يلقاش من يصغاله.. تحلف سكارى انفوسهم مشغوله
وكل حد تعرضله جميع اعماله.. ف كتاب مايغادر وهم يحصــــــــوله
رقيب وعتيد باقلامهم سجّــــــــــــــاله .. مايلفظه من قول ينتبهوله
وفى المشى عالصراط ما يطراله..يصبى ايطيح يسال مايصغوله
وفى اللى يجرى بحسن اثقاله..وفى اللى يمشى ومشيته معقوله
وفى العرض تبدا كلها تشّاله..تبى الشفاعه فيوم ما حسبــــــــوله
يمشوا الادم طالبين كفـــــــــــاله..امشو ال نوح يرد وين يجــــوله
نفسى نفسى والطريق خداله..امشوا الغيرى وين ما عدوله
[/b]
نفس الكلام ايرد باستعجاله..وجميع لانبيا نفس الجواب تقوله
محمدّ نبينا يرد با بتهاله ..ليه الشفاعه وما لحـــــــــــــد عطوله
يطلب من المولى الشفيع اخصاله..يجاوب المولى شفاعتك مقبوله
وكل دين فى الدنيا ايجينا اقباله..وراهو عليه انفوسنا مسوؤله
والدنيا غريبه اتجيب ما تسعاله .. ومرات راهو تنقلبلك حوله
وفيها الدنيا يا اخوان رذاله..تخلى ابن ادم طاقته مبذوله
عالشر يسعى دوم فيه سفاله ..ينوى على التخريب كى يدنوله
وفيها اللى ياكل بصفو حلاله..ونفسه عزيزه فى الحيا معدوله
محافظ على لوقات مايدناله..رزق الحرام ويبتعد بفضوله
وراهى الدنيا خاينه خذاله..ترمى ابن ادم كان ينطاعوله
ابليس اللعين وكل من حاداله..اذيول الناس انفوسهم معلوله
وعلى بورزيزه صادقات اقواله ..شاعر فحل وكلمته مفعوله
يجيب القصايد ولابيات دلاله..وبيّن حقايق عند نا مهمـــــوله
مانيش شاعر غير جبت رساله..راهو كلام الشعر يبى فحوله
وندعى المولى كان عمرى طاله..على بير زمزم نلتقى وندعوله
ونرفعوا ايدينا للكريم سواله..ونصلواعلى الهادى الحبيب رسوله
يوم لحساب الناس عند الموله.. لاهناك ملجأ لاتقا يمشوله
