]b]قال الشاعر سيد السبيب::
ايش ربحت ... وين ماغلانا من قفاه ذبحت ... خبر وقول الحق
شن مقصودك ؟؟ ... تغدر وتخلف ياعزيز عهودك
الزيف والفراق هي كفاءة ردودك ... بغية جديدة في قفايا بحت
جنان الغلا مختبل بورودك ... قتلته عدمته يامناي أفرحت
جمعت وضربته صوبنا ببرودك ... أصفار ناتجك بانن بعد ماطرحت
طفين أنوارك وين زام رعودك ... بقاطر جفاكم يامناي كلحت
ايش ربحت ... وين ماغلانا من قفاه ذبحت ... خبر وقول الحق
ايش خذيت ؟؟ ... حق صوب وافي بالطلوق عطيت
هنته بخسته صوبنا ونسيت ... هجرت وضلمته بختنا وارتحت
قصر الغلا عالي بعد تميت ... لغيري فتحته بالورود طرحت
سنزق غلانا بالوطا ساويت ... الله يسامحك في الهموم سبحت
حبل النجا راخي وماشديت ... بمركب فراقك ياقريني طحت
وهذا رد الشاعر عبد الله قراب (أبو ريان) ::
ايش جنيت...غير العشم من قلب ماوديت
كافيتنى بالغدروداعيت...خداك الغرور مع الجديد شطحت
حسابك على فى كل ماسويت...طاح الرواق وكل ماسنحت
كيف من يخلط ف الميه بزيت...وكرفت شعيرك ياعزيز طفحت
طلعلى سراب وبيه مارتويت...ملحك كليته مر نين كلحت
وسرك فى بير وفى الكنين كميت..وخائف عليه وبيه ماصرحت
وحتى نكان الموجعه دسيت...عرفت الحقيقه خيرلى وارتحت
ايش ربحت ... وين ماغلانا من قفاه ذبحت ... خبر وقول الحق
[/b]