عركة بين بنات مدارس الخاصة وبنات مدارس العامة

السلام عليكم

بنات المدارس الخاصه
طبعا بنات الخاصه دعكاتهم كلام بس وناتوصلش للضرب

كل وحده تخااف على تسريحتها تفسد ياااااااي هههههههههههههه

والميك أب لايسيح وبلوزتها الماااركه تتشرك << يااي بقوه واندفاع

نبدا مع الآنسه سلوي : أنتي من سمح لك تقولين أسراري لصديقاتك ؟؟

ليلي: انتي اللي بديتي يافتانه ..

سلوي : ماتوقعتك كذا ياحقيره << عاد البنات ماعندهمش الروح مع الكلمه هادي

ليلي : انتي كيف تتجرأين تقولين لي هالكلمه .. بري ياشينه

سلوي. أنا شينه امالا عاجبك شكلك وانتي زي المهرج <<< اوووووو خشت بعضها

ليلي : أنتي المهرجه يالي ماتعرفيش تلبسي.. شوفي الوان بلوزتك الي تقول باكو الوان

سلوي :خلاص حبيبتي معاش تكلميني اني عصبت<< هههههه

ليلي: ياجبانه هههههههه يامسكينه وانتي ديما تضحك علينا وتقولي لبسي كله ماركه ياكدابك << توا بتزيد اتخش بعضها

مشي سلوي بزعت الببسي على ليلي << علي اساس واعره والبنات كلهم بصوت واحد يااحرام تسريحتها فسدت.. يااااااي بالقوه حتي هده

وبعدين كل وحده تشد تركينه وتقعمز وتبدي اتعيط ولما ترجع الحوش تكمل العياط في حضن امها
ــــــــــــــــــــــــــــــــــــــــــــــــــ ــــــــــــــــــــــــــــ

بنات المدارس العامه
خخخخخخخخخ

طبعا أمة محمد كلها تتجمع في الساحه ويبدي التصفير والتصفيق وحـــبـتــين وكل وحده
جايبا معاها جماعتها يفكروك بدعكات الاولاد

مسعوده :اطلقوني عليها والله لما انوريها والله لما انربيك يا......(مشفر) خخخخخخ

برنيه :والله شكلي أنا اللي بنربيك وكانك بنت أبوك مدي ايدك والله لما نخليهالك معلقه عي رقبتك بعدين

مسعوده:ماجابتها أمها اللي تكسرلي يدي .. غر اطلقوني بس

ويبدا ترييش الشعر والرفس والفاكوات الصح والشعب يصرخ << عااشت مسعوده اضربيها طوووووووووط.....

وتطلع أنوااع الكشش واللي شعرها فيه خيط شليف ربي يعاونها تبي تربط شعرها بشتى الوسائل والطرق بس مافيه أمل ...... ههههههههه

وساعات توصل للبونتوات والجروح والأبله المسكينه اللي نوعها قالقه من حياتها خاشه في وسطهم وتحز فيهم

وفي النهايه ياخدوا طريحه وهزايب من المدير في الطاابور وكل وحده فيهم مجروحه وتضحك وتحيي الجمااهير الغفيره اللي حضرت الدعكه
_________