[ندعوك للتسجيل في المنتدى أو التعريف بنفسك لمعاينة هذه الصورة]1.اسحبك يالعين ارياف.....بشواش نين للدار تقربى
2.انكان مش من الاوهام ...تبقى منيش ياضيق علمنا
3.فاهق كم فاهق فى فاهق ...منهن نين الخاطر واهق
4.زهاها عزيز وغاب ....العين عالبكا مانلومها
5.القسم عذر يمسك فية .....اللى غلاة ناوى يتركة
6.انطال بينا لغياب ............ياعزيز عينك مالغلا
7.امغير بينا ياعين .....عزيز ماافراقة تقدرى
8.امقصر ومزعل خاطرنا....هذا وين عليك خطرنا
9.انذوق فى غلا لولاف .....نحسابة دوا نين ضرنى
10.رنيت ياعزيز عليك...رنت ارياف مشغول درتلى
11.يالعزيز امعاك ابصبرى .....نين اذراعك يحفر قبرى
12.ادموعى يالقديم عليك....اقريب نستخسرهن فيك
13.كثرت يالعين علية .......عزيز نين فيك وفينا زهد
14.يالاقسام عليكن عابى ....رانى فى الحساد انزابى
15.العمر شن خلو فية......لعزاز نين نشقوا بغيرهم
16.حتى وكل شى موجود.....بلا عزيز مو باين زها
17.ما بكيت نين اعلمت ...عزيز فى خفا باكى على
18.قديم دفنى قبل الموت....جديد رفعنى من التابوت
19.بالك ياغالى تنسانى....واجد ماجاك وما جانى
20.يالولاف كذا قولولى ....ليش المشغول اديرولى
21.اتصدق ياماصار امعاى....امغير انوكل فى مولاى
22.يالعزيز الجفوة راهى ...مش كفانا لكن باهى
23.عليش الحوسة والتخميم .....العين اتقول انريد قديم
24.كان اتريد غلاك بجوك ....يبقى قسمى ياخد سوك
25.عالولاف اعزومى ارقاق....انرايف مازلت ونشتاق
أنتظر ردودكم
اتمني ان تنال اعجابكم